嘩 !!!! 救命呀 !!!! 今日發生左兩件事, 挑戰左我嫌惡污糟嘅極限 !!!! 事件一, 竟然無啦啦0向我張床上面發現左一隻甲蟲, 起初都唔係好為意, 因為隻甲蟲個 size 超細, 個直徑只有 2 mm 咁大, 個表面係黃色帶黑色 ball ball, 個 pattern 就好似前0個排海港城黃色點點 exhibition 咁, 開頭睇唔清楚真係以為係 d mini sticker law, 但係睇真 d, 咦, 點解會 move 同埋有 d 腳嘅, 當時真係超驚, 有少少打冷震, 大佬, 我真係好驚 d movable 嘅野, 不論 size 有幾大, 都真係好驚, 但係又唔可以任隻野行黎行去唔理, 所以只好硬住頭皮, 用左好多張好多張 tissue 將佢消滅 !!!! 諗番起都真係超核突 !!! 
事件二, 今日同媽媽食完 lunch 之後, 去左上環0個間大快活度借 toilet, 嘩, 一入到去, 已經覺得超污糟, 好臭, 仲要係 "mou" 廁, 都算, 個地下仲要好濕, 嘩, 一入到去廁格入面, 一路去, 一邊環顧四周環境真係超級惡劣, 都係第一次去廁所去到有想作嘔嘅感覺, 真係差少少就嘔左出黎, 諗起都怕怕 !!!! 
卒之去左報團 lu, 北海道之旅今次應該十拿九穩 lu !!!! 但係 ............ 報完之後又不是有太興奮嘅感覺, 可能之前實在攪到太不快 lu, 不過 anyway, 唔可以咁諗嘅, 經過咁多波折, 卒之成行, 咁難能可貴, 應該更加覺得開心先係架嘛, 所以應該 looking forward 至0岩 !!! 
今晚同朋友仔s 入左去 Discovery Bay 度食 dinner, 0個度 d 環境都唔錯 (除左好多我嘅敵人 - 狗之外), 有好多好特式嘅餐廳, 坐0向 open area, 望住個海都幾寫意, 不過真係有少少攪笑, 0向 d 咁優雅嘅環境入面, 我竟然發牙痕話如果可以0向度打麻雀你話幾好呢 ?!?!? 講完之後, 朋友仔 s 都真係俾我激死, 諗諗下又真係有少少 crazy, anyway, 都係我嘅奇想 only, 可能我真係太過難賭啦, 時時刻刻都諗住我要打牌 !!!! 不過都係第一次食一個價值 HK$110 嘅 Hamburger, 個 size 真係好大, 個圓周好似一個人塊面咁大, 不過味道就好一般, 我覺我 Triple O 同 Shake' em Bun 0個 d 好味好多 !!!! 
He ...... 仲有今日去左 massage, 做完之後, 鬆左好多, 真係爽死了 !!!
全站熱搜
留言列表
