Gym on Sunday !!!－bargie chan的部落格

今日因為陳 Auntie 好冇義氣咁走去同阿姨打牌, 攪到淨番我, 小弟弟同埋陳 Uncle 係屋企, 由於我唔係好想同弟弟& 陳 Uncle食 dinner, 所以隨即放棄手頭上嘅打掃工作, 走左去做 gym !!!! yeah, 今日已經係今個星期第四日做 gym 啦, 之前都未試過, 破左自己嘅紀錄 !!!!!

但係超低能 law, before 我去之前上網睇左個 timetable, 不過係睇左星期六0個日, Body combat 係 16:40, 不過點知星期日嘅 Body combat 係 15:40, 早一個鐘呀, 等我仲施施然 16:15 去到, 點知, 人地已經跳到如火如荼, 激死 !!!! 一場去到, 無理由空手而回架, 於是決定跑步啦, 因為 per 徐子信所講, 跑步可以瘦得快 d 架嘛, 好就信佢一次 !!!! 睇黎真係好堅 wor, 跑左十分鐘倒, 我已經流曬汗, 跑完之後 d 血氣運行得超勁, 成塊面紅曬, 同埋 "支力" 過打 Body Combat 好多好多 !!!! 我竟然跑左成個鐘呀, 不過真係好難頂, 除左 "支力" 之餘, 真係好悶 law, 今次我都醒啦, 帶埋 i-phone 去聽歌, 時間都叫做過得快 d, 不過中途都有幾次好想好想 give up, 最後都係靠意志力堅持落去先可以頂到尾 ja !!!!

Lunch 0個時同陳 Auntie 走左去信德間美心度食, 都唔知係咪玩野, 成間美心竟然可以同我講淨係得飯 law, 我梗係死人都唔食啦 !!!! 於是我就係咁坐係陳 Auntie 對面望住佢食佢嘅六寶飯 !!!!! 雖然陳 Auntie 問左我好幾次話分 d 俾我食, 但係堅定嘅我當然冇受引誘啦 !!!!

之後一個人走左去老麥度食左想試好耐嘅芥末魚柳包, 嘩 !!!! 原來都幾好味 (其實而家非常時期, 可能俾咩較為可口嘅野我入口都會覺得好味), d wasabi 仲要有少少攻鼻添 !!! 我諗 double 魚柳一定會仲好味 !!!!!