五一勞動節, 係出街嘅車程上, 食食下香口膠, 突然間覺得右上角隻大牙好痛, 起初都不以為意, 但係當我再咬多一下0個時, 咦 ......... 點解好似有 d 硬物0向入面嘅 ?!?! 隨即吐左出黎, 一望之下, 大鑊, 點解會有 1/4 隻牙崩左出黎, 唔係講笑, 當時真係好驚, 仲有少少腳仔軟, 危急之下, 腦入面淨係諗到打俾一個人 ----- 就係陳 Auntie, 打完俾陳 Auntie, 雖然佢一 d 都幫唔上咩忙, 但係由細到大, 每一次有咩事, 講左俾陳 Auntie 知道, 個心都會定番少少 !!!!! 由於是日係 public holiday, 所有牙醫都關門大吉, 唯有聽日先再算 !!!!!
第二日, 晨早九點半即刻打去牙醫度 make appointment, 一打到去, 問姑娘可唔可以上晝就黎睇呀, 因為真係好痛, 但係姑娘話朝早 full 曬, 最快都要四點半, 於是我又發揮我賴死嘅本領, 同姑娘講: 可唔可以早 d 呀, 我真係好痛呀 !!! 於是姑娘話: 好啦, 你四點黎啦 !!!!
上到去, 醫生檢查完, 睇過我帶去嘅屍骸 (1/4 隻牙), 照左一張 x- ray, 都另曬頭話有 d 麻煩 !!!! 我聽完之後, 當堂好驚, 醫生竟然話佢仲驚過我, 之後就話, 佢當然係想保住隻牙啦, 但係, 由於0向張 x-ray 入面, 隻智慧齒完全遮住左隻大牙, 根本都睇唔到隻大牙嘅情況, 所以佢都無能為力, 唔敢亂黎, 於是寫左封 referral letter, 叫我去睇一個牙髓醫生 !!!!! 仲有呀, 佢攞左一支有電嘅 instrument 黎夾我隻牙, 叫我如果有痺嘅感覺就出聲, 點知試左兩次, 都係冇反應, 我就問醫生: 點解會咁架 ?!?! 隻牙係咪死左呀 ?!?!
之後我就 "leg" 住封 referral letter 走左去牙髓醫生度 make appointment, 又係 full 曬, 要聽日朝十一點先有得睇 !!!! 嘩 !!! 上到去先知, 原來0個度係明德醫院 out-patient, 心諗 ........ 大鑊, 一定超貴 !!!!!
今日, 上到去牙髓醫生度, 只不過係照左一張 x-ray, consult 左五分鐘左右, 阿醫生話, 隻大牙已經俾隻智慧齒侵蝕到冇左一隻牙腳, 你都係快 d "mock" 左佢啦 !!!! 就係咁, 又俾左 $650 !!!!
之後, 我又即刻拿拿臨上番去之前個牙醫度話要 "mock" 牙, 一上到去, 牙醫竟然話今日好 full, 仲問我: 你好唔舒服咩 ?!?! 我話: 係呀, 好痛呀, 痛到食唔到野 !!! 於是佢叫我坐低等等, 咁0岩牙醫個師父朱教授上左黎, 牙醫就安排左教授幫我 "mock" 牙 !!!! 教授睇左張 x-ray, 之後就話係一個好 exceptional 嘅 case, 之後就幫我打麻醉藥準備 "mock" 牙啦, 打完之後, 佢搵 d 野 "liu" 下我 d 牙肉問痛唔痛, 我話有少少呀, 於是佢話咁要打多少少先得啦, 之後就開始 "mock" 牙, 一 "mock" 左出黎, 阿教授即刻大叫 interesting, 因為佢話隻牙已經侵蝕到好勁, 仲叫佢兩個徒弟仔黎睇, 於是三個牙醫係咁圍住我個口係度研究, 又話要影相, 攪左一大輪之後, 我個主診牙醫臨走之前仲要大叫: 陳子盈, 你真係得架啦 !!! 當時我真係唔知好嬲定好笑, 但係因為咬住 d 紗布, 根本駁唔到佢咀, 激死 !!!! 
唉 ....... 咁樣攪黎攪去, totally 用左 $1800, 個問題卒之叫做 solve 左, 唔係, 應該係 partially solve 左, 因為仲要睇下隻 wisdom teeth 生唔生性, 睇下可唔可以生0岩位 replace 到隻大牙, 所以一個月後又要番去覆診 !!!! 嘩, 而家先知道原來 d 牙 醫 d time cost charge 得咁鬼死貴, 突然間0向度諗如果有個牙醫男朋友都幾好架 wor, 起碼 d 牙有事都可以免費 consult 佢, 同埋我睇過咁多個牙醫, 個個 d 樣都好 ok, 唔算得上靚仔, 但係通常都係斯斯文文嘅四眼仔 
, ke ke !!!! 
, ke ke !!!! 
全站熱搜
留言列表
