尋晚 ....... 因為個心同個腦實在有太多野, 真係訓得唔多好 !!!!
一大朝早返到去, 又俾人傷左我個心啦, 本來唔係一件有咩咁大不了嘅事, 不過都係0個句啦, 睇下你自己點睇同埋點去感受, 又有一個我好重視嘅人記錯我嘅生日, 第二次啦, 我記得上年又有一模一樣嘅事發生, 其實真係好唔開心 !!! 又再一次領悟同體會到, 呢個世界你可能好傻瓜咁去對某一 d 人嘅野好上心, 一切野都會以某 d 人為先, 但係 in return, 可能自己0向0個 d 人眼中都係微不足道, 所以 ......... 以後對身邊嘅人好都要抱住不問回報嘅心態, 咁樣可能會令自己無咁容易失望 !!!!! 不過算啦, 其實今日呢件事真係冇咩大不了, 可能自己心情唔係咁好, 0向0個一刻先會咁嬲 !!! 
不過放心啦, 我不嬲都唔係一個記愁嘅人, 食 lunch 0個時已經唔係好記得, 一 d 都唔嬲 lu !!! 
又有 touching 位啦, 今日六點幾, 猛將親自打電話俾我話佢聽日要飛去美國考試, 佢驚冇機會再見到我, 有時佢真係直得好可愛, 我即刻話佢又唔係去左唔返, 等佢返黎一定會再約佢出黎, 仲要同佢賀壽添 !!!!
今日0向 lift 口度撞到一個唔係太熟嘅同事, 佢問我係咪就黎會走, 傾左幾句, 佢問我做咩要走, 仲話好唔捨得我, 唉 ..... 聽到呢句 ...... 我個心又好唔舒服, 一個咁唔熟嘅人都會同我講唔捨得, 其實我都真係好唔捨得同我玩開嘅朋友仔, 同如果可以 choose press "Pause" button, 令到時間永遠停留0向呢一刻就好啦, 不過 ............. 根本無可能 !!!!
越黎越要令自己接受同適應我再唔屬於呢度啦, 由再冇得 register movie night ........ 聽住同事同 sen manager 討論麻雀同 bowling 大賽獎杯嘅 design ......... d 同事0向度討論點填 pmdp, 自己已經變左一個旁觀者 lu !!!
全站熱搜
留言列表
