今日放工, 又去左睇醫生, 今次已經係第五次啦, 唉 .............. 都係第一次咳得咁甘, 咳左成個月啦, 都係未好番, 攪咩呀 ?!?!? 今日0向 office 試過咳得好嚴重, 為左唔好嚇親人, 咳到要走入廁所 "lay" 埋咳, 咳左成十分鐘, 咳到個肺差 d "nut" 出黎咁滯, 差 d 嘔, 兩隻眼都紅曬, 超辛苦, 疑惑 0個一刻真係以為自己會咳死 !!!! 所以都係死死地氣去睇多次醫生 !!!
 
醫生今次俾左個儀器叫我吹氣, 目的係要 measure 一下我嘅氣管正唔正常, 我吹左兩次, 一次 430, 一次440, 阿醫生話正常人應該有 480, 佢話我俾正常人差左 10%, 又聽我個肺聽左好耐, 之後話個肺都算 ok 嘅 !!! 佢 make 左個 conclusion 我係氣管敏感, 佢話係因為細菌感染或者周圍嘅環境太多塵引致 !!!! 都係要食一個星期藥, 之後睇下好番未, 佢仲叫我唔好飲 / 食凍野, 飲多 d 暖水, 同埋唔好接觸咁多塵嘅野, 好似毛公仔 !!!!
 
唉 ........ 點解我會變左個成日要食藥嘅藥煲架 ?!?! 激死 !!!! 傷心
 
不過 ......... 今日 lunch 同 Kenix 加 Ming Fai 去左 Pacific Place 一間法國餐廳度食左個朱古力心太軟, 嘩, 唔係講笑, 真係超正, 一送埋黎已經感受到個 cake 嘅熱度, 嘩一介開, d 朱古力漿就慢慢滲出黎, 食落口暖暖地, 再配以 macadamia nut 雪糕, 一句講曬 - 正, 真係一試難忘 !!!!! 動畫快遞DSC01535
arrow
arrow
    全站熱搜

    bargie chan 發表在 痞客邦 留言(0) 人氣()

    E-mail轉寄