又破左吞 "pork" 紀錄啦, 尋日朝因為太眼訓同太悶, 同 Hazel 瞞住老細十一點落左街, 用左二十分鐘去食早餐, 上番黎老細問我地係咪出左去, 我地又發揮我地車大炮嘅本領, 同老細講我地去左隔離 dept 吹水 !!! 之後 lunch time, 由於仲係好飽, 於是利用 lunch hr 走左去做 massage, 超爽 !!!! 下晝四點幾, 老細無啦啦走出黎問我地係咪無野做, 如果無不如早 d 放工啦, 由於我放工約左人, 又未夠鐘, 所以根本無諗住要早走, 由於無食 lunch, 我同 Hazel 都超肚餓, 於是隨即又落左街食 tea !!! 自己都覺得自己嘅所作所為有 d crazy 添 !!!
尋晚放左工, 約左人未夠鐘, 自己獨個兒0向銅鑼灣遊歷, 唉 ............. 超後悔, 只不過係大半個鐘, 我走左去銀座商場我好鍾意好鍾意0個間 boutique 度行左個圈, 就係咁, 又放低左五百幾蚊啦, 超唔掂, 買左一件薄 jacket & 一件橙色 tee, 兩件都好靚, 好鍾意, ke ke !!!! 雖然係咁 ........... 但係0個頭先話要慳 d, 呢頭又買野, 唉 ............ 死梗 !!! 以後等人都係千祈千祈唔可以去 shopping, 因為一個人行街, 一定出事, 所以以後都係去 starbucks 又好, 邊度都好, 坐低飲杯野黎打發時間好啦 !!!!
Shop 完 ping, on the way 行去 E-house 度會合朋友, 行行下突然間0向 E-house 對開0個個安全島有個人叫住我, 抬頭一望, 咦, 原來係一個兩年冇見, 而又好想見到嘅一個人 ---- 一個我0向舊公司超級鐘意, 超級好人嘅 senior, 真係冇諗過會0向一個咁嘅地方度同佢偶遇, 見到佢真係超開心, 同佢0向安全島度寒暄左三十秒左右, 知道左佢下星期都會去飲阿舊同事0個餐, yeah, 太好啦, 即係到時可以再同佢詳談, he he !!!!
全站熱搜
留言列表
